கிச்சனில் "தங்ஸ்கள்" படும்பாடு!!

கிச்சனில் "தங்ஸ்கள்" படும்பாடு


நீங்க டைனிங் டேபிளில் உட்கார்ந்துகிட்டு உப்பு சரி இல்ல (Bp இருந்தாலும்) காரம் சரி இல்ல (அல்சர் இருந்தாலும்) என்று சொல்லிக் கிட்டு இருக்காதீங்க பாஸ். ஒரு எட்டு கிச்சனுக்குள்ளும் நுழைந்து அங்க நம்ம தங்ஸ்கள் படுற கஷ்டத்தையும் பாருங்க!! என்ன நான் சொல்றது காதுல விழுதா??

நேற்று தாங்க கிச்சனுக்குள்ளே எட்டிப் பார்த்தேங்க!! என்னா கஷ்டம் ; என்னா கஷ்டம். மற்ற நாட்களிலெல்லாம் கூட பகல் நேரத்து சாப்பாட்டு பிரிபரேசன் மிஞ்சி மிஞ்சி போனா ஒரு மணி நேரம் என்றால் நோன்பு நேர வேலைகள் அதிகமென்றே சொல்லத் தோன்றுகிறது. அந்த ரெண்டு மணி நேரத்தில் கிச்சன் அமளி துமளிப் பட்டு ஓய்கிறது

ஒரு நோன்பு நேர கஞ்சி ஒரு ஜூஸ் கொஞ்சம் பஜ்ஜி அல்லது ஏதாவது வடை சட்னி செய்வதற்கே ஒரு மணி நேரத்துக்கு மேலாகி விடுகிறது. அப்புறம் ஏதாவது அடிஷனலா செய்யனும் என்றாலும் இப்ஃதார் விருந்துக்கு யாரையாவது நாம் அழைத்து விட்டாலும் கேட்கவே வேண்டாம். தங்ஸ்கள் படுற பாடுகள் கொஞ்ச நஞ்சமல்ல. நோன்பு திறக்க வந்து உட்காருவதே பெறும் பாடாகிவிடும் அவர்களுக்கு. பாவம் தானே!!

நாமெல்லாம் என்ன செய்கிறோம் நல்லா திண்டு புட்டு ஷோபாவில் கால்மேல் கால் போட்டுக் கொண்டு (சரி காலமேலே தூக்கிப் போடாமே அப்படியும் வச்சுக்குவோம்) மேலே சொன்ன ரெண்டு வரியைத் தானே செய்கிறோம். புரியுதா??

                                                                      
சில நேரங்களில் இவர்கள் அன்பால் செய்யும் அநியாயம் ரொம்பவா சொல்லி மாளாது. சாதரணமா மேலே சொன்ன அய்ட்டங்களை தானே தயார் செய்து சாப்பிடத் தருவாங்க. ஊஹும். ரொம்ப ஓவரான அன்பினாலே தின்ன முடியாதா அளவுக்கு எக்ஸ்ட்ரா அய்ட்டங்களை செய்து சாப்பிடச் சொல்லி அன்பைப் பொழியும் போது கொஞ்சம் ஜோப்பையும் எட்டிப் பார்த்துக் கொள்ள வேண்டியிருக்கு!!

அன்னிக்கி அப்படித் தான் மேலே சொன்ன அய்டங்களோடு, எக்ஸ்ட்ரவாய் ஜாலர் முட்டை சமோசா, கஸ்டர்ட், சப்ஜா விதை கலந்த ஜூஸ் (குளிர்சிக்காம்) என்று நிறைய பதார்த்தங்களை செய்து வைத்து விட்டார்கள். என்னால் அவ்வளவா சாப்பிட முடியல! நாம ஒன்றும் புதுமாப்பிள்ளை யல்லவே!

அப்ப தான் நினைத்துக் கொண்டேன். கல்யாணம் முடிந்த புது மாப்பிள்ளைக்கி முதல் நாளன்று சாப்பிட முடியாத அளவுக்கு சாப்பாட்டையும், பலகரங்களையும் செய்து வைத்திருப்பார்கள். வந்திருக்கும் சுற்றமும் நட்பும் விழுந்து விழுந்து கவனிப்பார்கள். ஏன்னா புது மாப்பிள்ளையாச்சே! சந்தோசத்தின் மிகுதியால் அவரால் அதிகமாக சாப்பிட முடியாது. கொஞ்சமாவே கொறிப்பார். புதிய இடம் என்பதால் சங்கோஜமாகக் கூட இருக்கலாம்.

ரெண்டாவது மூனாவது நாளும் அது மாதிரியே செய்து வைப்பார்கள். அப்பவும் அது மாதிரியே சந்தோஷ மிகுதியால் அதிகம் சாப்பிட மாட்டார்.

மாப்பிள்ளை தான் அதிகம் சாப்பிட மாட்டேங்கிறாரே என்று நான்காவது நாள் ஒரு நார்மலான சாப்பாட்டை தான் செய்து வைப்பார்கள். அன்னிக்கு அவருக்கு அதிகமா பசிக்கும். மூணு நாளும் அரைகுறையா சாப்பிட்டது. கிடந்து முழிப்பார். அனுபவமான்னு கேட்கப் படாது.

டிஸ்கி : ஆகவே தங்ஸ்களுக்கு உதவியா நாமளும் கிச்சனில் ஏதாவது உதவிகள் செய்யணும் போலத் தோணுது!! என்ன செய்யலாம்?? நீங்களும் யோசிச்சு சொல்லுங்க சார்!!